  |
  
|
番咗幾日新工, 出奇地對同事就好快適應, 因為啲同事都幾好, 個個都仲細, 所以都好開心, 其實都有啲是非, 但唔係話我既, 有啲係我個sup.(connie chan)簡稱cc, 佢得唔到同事歡心, 咩都話"唔知呀", "唔理佢啦", "唔關我事"嗰類啦
!!!但整體黎講, 所有同事都好nice既!!!
有樣嘢就諗唔明, yesterday電豬男話我變咗, 我第一句答"變咗咩呀, 吓唔係嗎, 咁快變, 咗咩呀"?????勁多問號, 佢又答我唔到, 都唔知好!!!我只係番咗幾日新工, 咁快就變, 我都唔係好信, 我真係好想知自己變咗啲咩!! 真係好怕, 每次我同佢一覺得對方變咗, 就即係問題既開始!!!我好怕, 怕會唔開心, 呢幾個月好似感情好番小小, 但而家佢又話我變咗, 點好???
但我想講, 我去到新環境一定會變, 但會係邊一啲變, 我都唔知, 我希望男朋友又好, 朋友都好都可以體諒到我同支持我, 希望你哋包容我既改變, 呢幾日番工真係好攰, 係精神上既攰, 真係有啲壓力, 俾啲時間我, 我諗我其實真係仲未適應到, 所以會咁, 我會俾心機架啦!!!!
今日lastday啦, 其實都好似平日咁做嘢, 但係就做多咗樣, 就係執包袱!!!
佢哋特登叫番norman番黎一齊食飯, lunch去咗ucc食, 好飽呀!!!本身諗住買件cake 或者ice-cream請佢哋食, 但係太飽啦, winkey又話除時會走, 到最後都冇食!!
不過臨走前好其, 阿tim一家四口上哂黎, 我見到黎妹妹同滔滔呀, 都好開心啦, 因為佢哋都好得意!!!走之前winkey出埋糧俾我, 我就俾咗thank you card佢同阿tim, 之後我同winkey一齊落樓, 我同佢都好唔捨得, 佢不停咁同我講:有嘢就打俾我啦, 有事就搵我啦, .......repeat咗好多次, 真係好感動!!!我諗其實冇咩人會辭職都辭得咁唔捨得!!!
我一定會番去架, 我仲會成日打俾winkey, 因為我當咗佢係一個好朋友咁, 或者係我姐姐....哈哈哈......我都唔知呀.....
番新工, 要努力呀, 好緊張, 好擔心, 有啲壓力.........
第一天: 一家人喺pokka cafe食完個lunch, 爸爸就要番工啦, 細佬就番咗屋企打機, 我同媽就去咗行街街, 之後就去同婆婆食tea, 再番屋企煮年糕食.....多充實的一天!!!!
第二天: 爸媽要去玩, 唔番黎訓, 一早約好咗珊同基打牌, 電豬男3點幾入到黎, 我同佢去咗食嘢, 之後行咗個圈, 租咗黑社會番屋企睇, 食飽飯就等佢哋打黎, 11點開始...打到3點....其間不停食嘢, 薯條;豬肉乾;糖;朱古力; 燒賣.....很多很多.....食之不盡, 我仲輸咗80幾蚊添!!!得我一個輸!!!!
第三天: 同電豬男&細佬食完lunch, 細佬出咗去幫佢學嘢嗰度考試, 我就同電豬男出咗旺角行街街, 好耐冇試過啦...好似....好sweet呀...好開心.....好滿足....好幸福, 之後仲食咗2食勁正既大(crab), 真係滿足的一天.....
第四天: 仲未開始...等下啦...
